Скачать шаблон Joomla с JooMix.org
admin

admin

Зөрчил шалган шийдвэрлэх тухай хуулийн дагуу хүүхдийн эрх ашгийг хамгаалж 18 насанд хүрээгүй холбогдогч, хохирогчийн хууль ёсны төлөөлөгчөөр ажиллаж буй Гэр бүл, хүүхэд, залуучуудын хөгжлийн газрын мэргэжилтэн нарыг чадавхжуулах уулзалт, сургалтыг ГБХЗХГ-т зохион байгууллаа. /2019-03-27/

Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газрын санаачлагаар Ж.Сэнгэдорж найруулагчийн бүтээлээр бүтсэн "Би нар" киноны нээлтийн үйл ажиллагааг өнөөдөр Дархан-Уул аймгийн Соёмбо кино театрт зохион байгууллаа.

Дархан-Уул аймгийн Гэр бүл, хүүхэд, залуучуудын хөгжлийн газар, JCI Найрамдал салбар байгууллага “Дарханы ирээдүй” төсөлтэй хамтран нийгэмд чиглэсэн эерэг өөрчлөлт, хандлагыг бий болгох сургалт нөлөөллийн ажлыг үе шаттайгаар зохион байгуулж байна.

Хүүхэд багачуудыг урлагийн амьдралд ойртуулах, ардын хөгжимтэй дуулах урлагт сургах, дууны утга санааг ойлгож мэдрэх, өвөг дээдэс, ард түмний дундаас уламжлагдан ирсэн ардын дууны өв сангаас суралцуулах, хүүхдийн дууны урын санг баяжуулах, мартагдсан дууг сэргээн өвлүүлэх зорилгоор Дуулах өв-2019 уралдааныг Хүүхэд Хөгжлийн Ордонд амжилттай зохион байгууллаа.

Дархан-Уул аймаг 2019 оныг “Гэр бүлийн хөгжлийг дэмжих жил” болгон зарлаж энэ хүрээнд билгийн тооллын шинийн наймны билэгт өдөр /2019.03.14/ “Гэрлэх ёслолын өргөө”-ний нээлтээ хийлээ. 

Охид, эмэгтэйчүүдийн эсрэг үйлдэгдэж буй бүхий л хэлбэрийн хүчирхийллийг таслан зогсоох зорилгоор "НЭГ ТЭРБУМААРАА ТЭМЦЬЕ 2019 - ЭМЭГТЭЙЧҮҮДИЙН ЭВ НЭГДЛИЙН ХАНА" эвэнт, нөлөөллийн ажлыг 3 р сарын 7 ны өдөр "Дархан 50" цогцолборт 600 гаруй иргэд, олон нийтийг хамруулан зохион байгууллаа.

Миний гэр бүл хөгжлийн хөтөлбөрийг удирдан хэрэгжүүлэх анги удирдсан багш нарыг чадавхжуулах арга зүйн сургалтыг /2019-03-05/ зохион байгууллаа.

Дархан-Уул аймгийн “Эцэг эхийн зөвлөгөөн”-ийг Гэр бүл, хүүхэд, залуучуудын хөгжлийн газраас санаачлан 2017, 2018 онд 3 удаа зохион байгуулсан ба энэ удаа “Гэр бүлийн хөгжлийг дэмжих жил”-ийн хүрээнд аймгийн БСУГ-тай хамтран өргөн хүрээнд зохион байгуулж ЕБ-ын 25 сургууль, СӨБ-ын 45 цэцэрлэгийн суралцагсдыг төлөөлсөн 600 гаруй эцэг эхчүүдийг хамрууллаа. /2019.02.28/

Хүүхдийн эрхийг хангах, эрх нь зөрчигдөхөөс урьдчилан сэргийлэх, хүүхэд хамгаалал, хөгжлийн талаарх төрийн бодлого, хууль тогтоомжийг хэрэгжүүлэхэд нийгмийн нөөц баялгийг дайчлах, салбар дундын үйл ажиллагааг уялдуулан зохицуулах шаардлагатай арга хэмжээ авах үүрэг бүхий Аймгийн Хүүхдийн төлөө зөвлөл 2019 оны 02 сарын 27-ны өдөр 83,3% ирцтэйгээр анхдугаар хуралдаанаа зохион байгууллаа. Тус хурлаар :
1. Хүүхдийн хөгжил хамгааллын үндэсний хөтөлбөрийг хэрэгжүүлэх үйл ажиллагааны төлөвлөгөө/2018/-ний тайлан
2. Хүүхдийн төлөө үндэсний зөвлөлөөс ирүүлсэн чиглэлийн дагуу хэрэгжүүлэх ажил үйлчилгээ
3. Хүүхдийн хөгжил, хамгааллын үндэсний хөтөлбөрийг 2019 онд хэрэгжүүлэх төлөвлөгөө зэрэг 3 асуудлыг хэлэлцлээ. 
Хүүхдийн төлөө зөвлөлийн анхдугаар хурлаар :
1. Хүүхдийн санал хүсэлтийг сонсох 333 хөтөлбөр хэрэгжүүлэх
2. Сургуулийн цагдаа арга хэмжээг өргөн хүрээнд зохион байгуулах
3. Хүүхдийн төлөө зөвлөлөөс хүүхдийн хөгжил, хамгааллын чиглэлээр хэрэгжүүлсэн хөрөнгө оруулалт ажил үйлчилгээг сурталчлах, олон нийтэд түгээх 
4. Хүүхдийн хөгжил, хамгааллын үйл ажиллагаанд салбар дундын уялдаа холбоог сайжруулан, үйл ажиллагааг бодит үр дүнд хүргэх зэрэг чухал саналууд гарч, Хүүхдийн төлөө зөвлөлийн төлөвлөгөөнд тусган хэрэгжүүлэхээр шийдвэрлэлээ.

Хүчирхийлэлд өртсөн хүүхдүүдийг түр хамгаалах байр Дархан-Уул аймагт ажиллаж эхэлсэн байна. Өмнө нь ийм байр байхгүйгээс хамгаалуулах шаардлагатай хүүхдүүдийг Улаанбаатар хотод авч ирдэг байжээ. 

Гэр бүл, хүүхэд, залуучуудын хөгжлийн газрын харьяанд үйл ажиллагаа явуулдаг тус байр нь хүчирхийлэлд өртөгсдийг гэр бүлийн хүчирхийллээс дайжин ангижрахад шаардлагатай үйлчилгээ үзүүлдэг бөгөөд аюулгүй хамгаалах байранд байрлуулж, эрүүл мэнд, сэтгэл зүй, хууль зүйн зөвлөгөө өгч ажилладаг бөгөөд зөвхөн Дархан-Уул аймаг гэлтгүй ойролцоох аймгуудын тусламж хэрэгтэй хүүхдүүдийг хүлээн авч үйлчилдэг юм байна. 

Тиймээс бид Дархан-Уул аймгийн хүчирхийлэлд өртсөн хүүхэд, эмэгтэйчүүдийг хамгаалах байраар зочиллоо.  Хүүхдийн түр хамгаалах байранд оруут хана, өрөө тасалгаанаас нь эхлээд нэг л нам гүм, тайван, аюулгүй орчинг мэдэрнэ. Хүүхдийн түр хамгаалах байранд оруут хана, өрөө тасалгаанаас нь эхлээд нэг л нам гүм, тайван, аюулгүй орчинг мэдэрнэ. Биднийг очиход тус байраар гурван хүүхэд үйлчлүүлж байсан бөгөөд энэ хүмүүс бид нарт чихэр өгөх гэж байгаа юм уу гэсээр биднийг угтсан юм. Хүүхдүүдийг байрлуулах өрөөнүүдийг орчин үеийн шийдэл бүхий  байдлаар тохижуулсан. Өрөө болгон дотроо ОО душтэй, хүүхдэд зориулсан тоглоомын өрөөтэй, түр хамгаалах байрны стандарт шаардлагыг хангасан, нэг хүүхдэд 5 метр квадрат талбай ноогддог гээд онцлох зүйл олон аж. Мөн ирсэн хүүхдүүддээ эрүүл мэндийн үйлчиилгээг цогцоор нь үзүүлэхээс гадна боловсролыг нь тасалдуулахгүй байх үүднээс боловсролын тасралтгүй үйлчилгээг үзүүлдэг байна. Тухайлбал, 5 настай хүүхдүүд түр хамгаалах байранд байх хугацаандаа бэлтгэл ангийн хүүхдийн чадамжийг эзэмшдээд гардаг байна. Түүгээр ч зогсохгүй хүүхдүүдтэй ажиллаж байх хугацаандаа ар гэрийнхэнтэй нь бас ажилладаг юм байна. Тухайлбал, шаардлагатай тохиолдолд ажилд сэтгэлзүйн зөвөлгөө, мэдээлэл өгөх, ажилд холбон зуучлах, архины хамааралтай байвал сэтгэц наркологийн эмнэлэгт хэвтүүлэх, эрүүлжүүлэх гэх мэт үйлчилгээг үзүүлдэг бөгөөд одоогоор нийт долоон хүүхдийн гэр бүлтэй ажиллаж, тулгамдсан асуудлыг цогцоор нь шийдэж өгчээ. Энэ мэтээр нийгэмд хар бараан мэтээр төсөөлөгдөж байж мэдэх, гадуурхагдах өнгө аястай хүчирхийлэлд өртсөн хүүхдүүдийг түр хамгаалах байрныхан бүхий л талаар дэмжиж хөгжүүлж, хамгийн гол нь хайр халамжаар дутаахгүйг хичээдэг байна. Өөрөөр хэлбэл, нийгэм, гэр бүлийн хар бараан сүүдэрт өртсөн айдас, түгшүүрийг нь хайраар эмчилж байгаа хамт олон юм гэж бахархмаар санагдсанаа нуух юун.

Тэд нэг удаадаа найман өрөөнд 24 иргэнийг хүлээн авах боломжтой бөгөөд өнгөрсөн оны аравдугаар сарын 22-нд үүд хаалгаа нээж, өнөөдрийг хүртэл нийт 28 хүүхдийг хүлээж авч яаралтай тусламж үйлчилгээг үзүүлсэн байна.

Ж.Цэцэгмаа: Бэлгийн болон сэтгэл санаа, бие махбодийн хүчирхийлэлд өртсөн хүүхдүүд ирдэг

Түр хамгаалах байрны ахлах нийгмийн ажилтан 

-Үйл ажиллагаа явуулж эхэлснээс хойш ихэвчлэн ямар төрлийн кэйстэй хүүхдүүд ирж байна вэ?

-Түр хамгаалах байранд ирж байгаа хүүхдүүд нэрэн дээрээ амьжиргааны түвшин доогуур, хүчирхийлэл, гадуурхалд өртсөн байдаг ч  ихэнх нь гэр бүлийн үл хайхрах шалтгаанаар энэ төвд ирдэг. Өөрөөр хэлбэл, эцэг эхчүүд хүүхдүүдээ анхаардаггүй, хайр халамж, хяналт тавиагүйгээс гадуур тэнэх, цаашлаад янз бүрийн тоглоомд донтох, буруу замаар орох тохиолдол их байдаг. Сүүлийн үед 35 хүртэлх насны залуу гэр бүл архины хамааралтай болсноос хүүхэд нь хамгаалах байранд ирэх тохиолдол цөөнгүй байгаа. Мөн бэлгийн болон сэтгэл санаа, бие махбодийн хүчирхийлэлд өртсөн хүүхдүүд ирдэг.

-Түр хамгаалах байранд хүүхдүүдийг хэд хүртлэх хоногоор байрлуулах боломжтой байдаг вэ?

-Хуулийн байгууллагаар асуудал нь шийдэгдтэл байлгадаг. Одоогоор хамгийн ихдээ 40, хамгийн багадаа 3 хоног байрлаж, үйлчилгээ аваад гарсан.

-Түр хамгаалах байр ашиглалтад орсноор шинээр хичнээн ажлын байрыг би болгосон бэ?

-Сэтгэлзүйч, эмч, нийгмийн ажилтан, хамгаалаг, тогооч, үйлчлэгч гэх 10 ажлын байрыг бий болгож 10 иргэнийг ажлын байраар ханган ажиллаж байна.

-Хаанаас санхүүждэг вэ?

-Ажилчдын цалин Гэр бүл, хүүхэд, залуучуудын хөгжлийн газраас,  урсгал зардал орон нутгийн сангаас гардаг.

Хартай нөхөр, харгис эцэг, хойд эхийнхээ зодуур нүдүүр, элдэв дарамтыг тэсдэггүй хүмүүс хаачдаг вэ, хэнээс тусламж авдаг вэ. Тэд түр хамгаалах байр буюу төрийн хамгаалалтад ирдэг. Ингэж л амь насаа өөрсдөө хамгаалдаг. Тэгвэл нэгэн цагт тоотой хэдхэн байсан "Түр хамгаалах байр"-ны тоо өдрөөс өдөрт нэмэгдэж, бараг бүх аймгууд стандартад нийцсэн "Түр хамгаалах байр"-тай болсон гэдгийг Гэр бүл, хүүхэд, залуучуудын хөгжлийн газрын дарга О.Алтансүх онцолсон юм.

Гэхдээ хүүхэд хамгааллын асуудалд зөвхөн төр засгийг харах биш эцэг, эхчүүдийн ухамсар, мэдлэг, хариуцлагыг дээшлүүлэх шаардлагатайг Түр хамгаалах байрны “амьдрал” илтгэж байна. Магадгүй бяцхан үрсээ хүчирхийллээс хамгаалах, энэ төрлийн гэмт хэргийг бууруулах  хамгийн оновчтой шийдэл, гарц гаргалгаа нь эцэг эхчүүдийн ухамсар, зөв зам мөртэй амьдралын үлгэрлэл байх юм. Хүүхэд бүхэн элэг бүтэн гэр бүлд хайраар өлгийдүүлж амьдраасай. Харин тэр нөхцлийг бид өөрсдөө бүрдүүлж, үүрэг хариуцлагаараа үлгэрлэе.

Page 1 of 18
Top
Скачать шаблон Joomla с JooMix.org